Jens Haugen og Jens Haugan
________________________________________
Er det no så nøye med rettskriving og namn?
Etter at Hamar Arbeiderblad ved fleire høve har skrive at Jens
Haugen anten spelar gitar eller arrangerer fag- og debattmøte i
Hamar Mållag, meiner eg det er grunn til å seie ifrå. Jens Haugen og
Jens Haugan er begge relativt profilerte personar på kvar sine
fagfelt. Dette burde også journalistane i HA ha fått med seg.
Jens
Haugen er Fotografen med stor F, mens Jens Haugan er språkets riddar
og målmannen, som lokalpressa har døypt han. Vi driv elles også
begge med musikk på hobbybasis. Jens Haugen spelar piano, mens Jens
Haugan først og fremst spelar gitar og gjerne også syng sine eigne
songar. Det kan hende at vi kan vere litt snarlike kvarandre i
utsjånad, sjølv om det er ein viss aldersforskjell mellom oss, men
vi prøver altså å profilere oss på kvar våre område, og ingen av oss
er tente med at namna våre blir blanda saman når det gjeld
offentlege arrangement. Jens Haugen har neppe lyst til å bli
assosiert med grammatikk og nynorsk, og eg føreles nok helst om
språk i staden for om fototeknikk.
Det er
forskjell mellom Anne Holt og Anna Holt, og Jens Haugen og Jens
Haugan er to forskjellige personar som tilfeldigvis bur på Hamar.
Det hender at eg får brev til fornamnebroren min i postkassa mi, så
det handlar visst ikkje berre om problem med skriving her. Men
journalistar som skal vere godt orienterte om hendingar og personar
i lokalmiljøet, bør ikkje ha nokon grunn til å blande oss saman.
Jens
HaugAn |