Sidemålsstilen som valkampsak
JENS
HAUGAN
Førsteamanuensis i norsk, Høgskolen i Hedmark
________________________________________
Det er
interessant korleis ein mann på over sytti prøver å
profilere fjerning av sidemålsstilen som den mest
sentrale valkampsaka som skal få folk til å gå mann
av huse for å stemme på det første og beste partiet
som er villig til å flagge dette som si hovudsak (Ørbæk
HA 6.5.). Sidan denne berømte og
berykta sidemålsstilen berre spelar ei lita rolle i
ein utdanningssituasjon i ein svært kort periode av
livet, skulle ein tru at ein då i det minste ville
rette sin appell til ungdomspolitikarane og dei
yngste veljarane.
Når så
ein mann i såpass godt vaksen alder ventar på at eit politisk parti
vil sørgje for den store frigjeringa frå sidemålsstilen, kan ein nok
seie eller tenkje mykje. Men ein kan i alle fall ikkje påstå at han
berre arbeider for at han sjølv skal få det betre.
Det er
bra at nokon engasjerer seg for at dei unge skal ha det bra.
Samtidig er det litt rart at pensjonistar og sjuke har sitt å slite
med her heime, og at det er mange krigar og katastrofar der ute i
verda, mens nokon politisk engasjerte altså ikkje ventar på noko
anna enn at sidemålsstilen skal forsvinne. |