| |
Månedotter, veslemøy,
fødd mot natt, så raskt, så stille.
Skjøre skapnad, spede hyl,
gisp mot luft, du lille, ville
- vakre.
Inn i verda i ei ri,
fødd av urkraft, snøgt og stille,
under månen, vesle vesen,
gløtt av lys, du lille, ville,
- vakre.
Sov du no, og veks deg vilter,
fødd i tryggleik, fort og stille,
månedotter, veslemøy,
glimt av draum, du lille, ville
- vakre.
Månedotter, vesle Ylva,
fødd til liv og til å ville.
Ein stad sit ei ulvesyster,
glir ho gjennom natta, stille,
glim av månelys i augo,
ut i natta, pelsen stri,
kanskje jaga, kanskje fri,
over vidde, gjennom skar,
Ulvesyster, sjå du har,
nokon som ber namnet ditt...
I ein draum og til eit liv,
månedotter, veslemøy,
solskinsunge, håpet mitt
- lille, ville, vakre, vene Ylva.
|
|